Në një intervistë për “Le Parisien”, gazetari Guillem Balague zbuloi se si Real Madrid mund të kishte nënshkruar me Lionel Messin në vitin 2001.

Barcelona kishte një marrëveshje me Messin dhe familjen e tij që i riu i talentuar t’i bashkohej klubit nga Camp Nou. Njëqind milionë peseta në sezon ishte paga që do të merrte, sipas Balague, autorit të biografisë së Messit.

Drejtori sportiv i Blaugranës në atë kohë, Javier Perez Farguell, ishte i habitur kur pa kontratën e Messit. Ai e konsideroi të tepërt dhe paraqiti një ofertë më të ulët. “Kush mendon se është? Maradona? Le ta ndalojmë këtë dhe le të kthehemi në Argjentinë”, tha ai, sipas Balague.

Në atë kohë, kolegu argjentinas Jorge Valdano, i cili ishte drejtor sportiv i Real Madridit, ishte në dijeni të situatës, Madridi ishte i gatshëm të paguante më shumë, por Valdano nuk donte të bënte një propozim zyrtar për të shmangur luftën me Barcelonën.

Messi vazhdoi t’i bashkohet Barcelonës dhe pjesa tjetër është histori./Arbresh.info